चैतेदशै भलिवलको उपाधी नवलपुर डेढगाउलाई

पाल्पा ।

मेलाको उपाधी चैते दशै मेलाको अबसरमा रामपुर नगरपालिका २ भलायटारमा आयोजित वडा स्तरिय भलिबल प्रतियोगिताको उपाधी डेढगाउँ नवलपरासीले हात पारेको छ । स्थानीय भलायटार युवा क्लबको ११ औं बार्षिकोत्सव तथा मेलाको अबसरमा भएको भलिबल खेलको फाइनलमा डेढगाउ नवलपुर र आयोजक भलायटार युवा क्लब भिडेका थिए ।

फाईनल खेलमा भलायटार युवा क्लवलाई ३/२ सेटले पछि पार्दै डेेेढगाउँले उपाधी जितेको हो । पहिलो, तेस्रो र पाँचौ सेट  २९/२७, २५/२० र १५/१२ अंक सहित डेेेढगाउले हात पार्‍यो । त्यस्तै भलायटारले दोस्रो र तेस्रो सेट २६/२४र २५/२० अंक ल्याएको थियो । आयोजक भलायटार युवा क्लब द्वितिय स्थानमा समेटिएको छ । त्यस्तै तेस्रो स्थानको छनौटको लागि भएको खेलमा चापाकोट नगरपालिका ६ मोहमीलाई रामपुर नगरपालिका ७ किसानबारीले सोझो सेटमा पराजित गरेको छ । किसानबारीले २५/१९ र २५/१७ अंक सहित सोझो सेटमा पछि पार्दै तृतिय स्थान हात पारेको खेल संयोजक विजय थापाले जानकारी दिनुभयो । प्रतियोगितामा पाल्पा, स्याङ्जा र तनहुँका ८ समुहको सहभागीता रहेको थियो ।

विजेता समुह मध्ये प्रथम, द्धितिय र तृतियले क्रमश नगद ६५ हजार, ४० हजार र २० हजार सहित मेडल र प्रमाण पत्र प्राप्त गरे । नेपाली कांग्रेस पाल्पाका सभापति हिमालदत्त श्रेष्ठले बिजेताहरुलाई पुरस्कार बितरण गर्दै युवा परिवर्तनको सम्बाहक भएको बताउनुभयो । स्थानीय कला सस्कृती बचाउन र यसलाई आयमुलकमा रुपान्तरणको लागि आग्रह गर्नुभयो ।स्थानीय स्तरमा रहेका खेलप्रतिभाहरुको उजागर गर्दै लैजानुपर्नेमा जोड दिनुभयो । उहाँले युवा शक्ति समाज रुपान्तरणको संवाहक भएको बताउँदै समाज परिवर्तन संगै स्वरोजगार सृजना तथा व्यवसायिकतामा लाग्न आग्रह गर्नुभयो । रामपुर नगरपालिकाका नगरप्रमुख रमण बहादुर थापाले खेलले एक्यवद्धता बनाएको बताउनुभयो ।

क्लबका अध्यक्ष सुर्य दर्जीको अध्यक्षतामा भएको कार्यक्रममा कलाकारहरु पशुपती शर्मा, ज्योती लोहनी सहितले माहोल तताएका थिए।