निर्वाचन प्रहरी- पाल्पामा ताेकिएकाे भन्दा कम आवेदन
Sabalnews
प्रकाशित मिति :
आइतबार, माघ ५ २०८२
पाल्पा ।
निर्वाचन प्रहरीमा भर्ना हुन चाहने युवाकाे संख्या पाल्पामा कम देखिएकाे छ । जिल्ला प्रहरी कार्यालय पाल्पा र पाल्पास्थित शसस्त्र प्रहरी बलकाे कार्यालयले संयुक्त रूपमा निर्वाचन प्रहरीका लागि आवेदन माग गरेपनि ताेकिएकाे संख्याभन्दा कमले भर्नाकाे निवेदन दिएका हुन् ।
पाल्पाका लागि १ हजार ५ सय ९७ जना निर्वाचन प्रहरीकाे माग गरिएकाे थियाे । त्यसमध्ये १ हजार १ सय ९४ जनाकाे निवेदन परेकाे जिल्ला प्रहरी कार्यालय पाल्पाका प्रहरी नायव उपरीक्षक हाेमप्रकाश चाैधरीले जानकारी दिनुभयाे । पाल्पाका लागि ४०३ जना निवेदक अपुग रहेकाे उहाँकाे भनाइ छ ।
यसअघिकाे निर्वाचनमा ताेकिएकाे संख्याभन्दा तीन गुणा बढीकाे म्यादी प्रहरीका लागि आवेदन पर्ने गरेकाे थियाे । तर पछिल्लाे समय युवा जनशक्ति वैदेशिक राेजगारीमा रहेका कारण निर्वाचन प्रहरीका लागि यस पटक आवेदन कम परेकाे हुन सक्ने प्रहरीले अनुमान गरेकाे छ ।
पाल्पा सहितका केही जिल्ला म्याद थप गरेर आवेदन माग गरेपनि मागिएको संख्या भन्दा अपुगको आबेदन परेकाे प्रहरीले जनाएकाे छ ।
