निस्दीमा स्वास्थ्य कार्यक्रमको पालिका स्तरीय समिक्षा
Sabalnews
प्रकाशित मिति :
शनिबार, असोज ११ २०८२
पाल्पा ।
आर्थिक वर्ष २०८१/०८२ मा पाल्पाको निस्दी गाउँपालिकाले सञ्चालन गरेको स्वास्थ्य कार्यक्रमको समिक्षा गरेको छ । निस्दी गाउँपालिकाको सभाहलमा पालिका स्तरीय गतबर्ष भित्र पालिकामा स्वास्थ्य सम्बन्धि सञ्चालन भएका कार्यक्रमको स्वास्थ्य सस्थाहरुले प्रतिबेदन प्रस्तुत गरेका थिए ।
कार्यक्रममा निस्दी गाउँपालिकाका अध्यक्ष मुक्त बहादुर सारुले स्वास्थ्य सबैभन्दा महत्त्वपूर्ण भएकोले निस्दीले सचेतना र उपचारमा चासो दिएको बताउनुभयो । स्वास्थ्य कार्यालय पाल्पाका प्रमुख टुक प्रसाद पोख्रेलले स्वास्थ्य सम्बन्धि प्रगति गर्नुपर्ने काम लिनुपर्ने लक्ष्य र सोही अनुरुप रिजल्टका बिषयमा जानकारी दिदै स्थानीय तह नजिकको सरकार भएकोले स्वास्थ्य र सचेतनामा अगाडी हुनुपर्नेमा जोड दिनुभयो ।
स्वास्थ्य शाखा रेम बहादुर दिशाले आ.व. २०८१/०८२ का गतिविधिहरुको विस्तृत प्रतिवेदन प्रस्तुत गर्नुभएको थियो। साथै वडास्तरका स्वास्थ्य संस्था प्रतिनिधिहरूले स्वास्थ्य सेवामा आएको उपलब्धि, चुनौती र आगामी सुधारका सम्भावनाबारे आफ्ना अनुभवहरू राख्नुभएको थियो ।
समीक्षाबाट स्वास्थ्य सेवाको गुणस्तर अभिवृद्धि, थप प्रभावकारी कार्यक्रम कार्यान्वयन, र स्थानीय स्तरमा स्वास्थ्य सेवाको पहुँच विस्तार गर्ने विषयमा महत्वपूर्ण सुझावहरू संकलन गरिएको छ।
