सडक कार्यसम्पादन मूल्याङ्कनमा बागलुङ नगरपालिका उत्कृष्ट
Sabalnews
प्रकाशित मिति :
बिहिबार, साउन २३ २०८२
बागलुङ ।
विश्व बैंकको सहयोगमा बागलुङ नगरपालिका भित्र कार्यान्वयन भइरहेका तीन वटा सडक कार्यसम्पादन मूल्याङ्कनमा बागलुङ नगरपालिका उत्कृष्ट नगरपालिकामा पर्न सफल भएको भनि बागलुङ नगरपालिका सम्मानित भएको छ ।
विश्व बैंकको आर्थिक सहयोगमा नेपाल शहरी शासकीय तथा पूर्वाधार आयोजना अन्तर्गत बागलुङ नगरपालिकामा निर्माण भइरहेको तीन प्रमुख सडक योजनाहरूको सफलतापूर्वक संचालन र कार्यान्वयनको मूल्याङ्कन गर्दै नेपाल सरकारका उपप्रधान तथा शहरी विकास मन्त्री प्रकाशमान सिंहले नगरप्रमुख बसन्त कुमार श्रेष्ठलाई सम्मान गरिएको हो ।
रु ५८ करोड अनुदानमा निर्माणको अन्तिम चरणमा रहेको बागलुङ नगरपालिका–७ को मूलपानीबाट तितौरेसम्मको ८.६ किलोमिटर, वडा नम्बर ४ स्थित ओडारचौरबाट ढोडेनीसम्म २ दशमलव २ किलोमिटर र वडा नम्बर १ रामरेखास्थित गणेशथान घुम्तीबाट निरयघाटको १ दशमलव ५ किमी सडक कार्यान्वयनमा भएको प्रगतिको मूल्याङकन गरेर सम्मान गरिएको हो ।
