विद्यालयलाई योग म्याट हस्तान्तरण
Sabalnews
प्रकाशित मिति :
आइतबार, साउन १२ २०८२
पाल्पा ।
नसर्ने रोग न्यूनीकरणका लागि लुम्बिनी प्रदेश स्वास्थ्य मन्त्रालयले पाल्पाको दमकडा माबिलाई योग म्याट हस्तान्तरण गरेको छ । लुम्बिनी प्रदेशको आर्थिक सहयोगमा दमकडा माध्यमिक विद्यालय तानसेन ९ पाल्पालाई लुम्बिनी प्रदेशका माननीय स्वास्थ्यमन्त्री खेम बहादुर सारुले म्याट प्रदान गर्नुभएको हो ।
सामग्री हस्तान्तरण गर्दै माननीय मन्त्री सारुले स्वास्थ्य मन्त्रालय लुम्बिनीले अभियान नै सञ्चालन गरेर नसर्ने रोग न्यूनीकरण गर्न लागिपरेको बताउनुभयो । उहाँले विद्यार्थीहरु आफु मात्र परिवर्तित हुने नभएर सिंगो समुदायलाई नै परिवर्तन गर्ने संवाहक भएकोले सिकाई संगै स्वस्थताको लागि म्याट सहयोग गरिएको बताउनुभयो ।
कार्यक्रममा तानसेन नगरपालिका वडा नम्बर ९ का अध्यक्ष राजेश कुमार अर्याल सहित प्रध्यानध्यापक, शिक्षक प्रतिनिधिहरुको सहभागिता थियो । योग म्याटले दृष्टिविहिन विद्यार्थीलाई कबड्डी खेलाउन, राष्ट्रिय स्तरको प्रतियोगिता आयोजना गर्न, तेक्वान्दो र कराते जस्ता खेल खेलाउन सहज हुने विद्यालयले जनाएको छ ।
