पुर्वखोलाको रिङ्नेरहमा पोषण अभिमुखिकरण तथा लेखाजोखा कार्यक्रम
Sabalnews
प्रकाशित मिति :
मंगलबार, असार ३ २०८२
पाल्पा ।
पूर्वखोला गाउँपालिका अन्तर्गत रिङ्नेरह स्वास्थ्य चौकीमा पोषण अभिमुखिकरण तथा लेखाजोखा कार्यक्रम भएको छ।
कार्यक्रमले विशेष गरी सुनौलो हजार दिनका आमालाई पोषणसम्बन्धी जानकारी र लेखाजोखा सम्बन्धी अभिमुखिकरणमा केन्द्रित रहेको थियो।
स्वास्थ्य चौकी व्यवस्थापन समितिका सदस्य बासुदेव न्यौपानेको अध्यक्षतामा भएको कार्यक्रममा गाउँपालिकाका स्वास्थ्य शाखा प्रमुख मोहन ढकालले पोषणको महत्व र स्वास्थ चौकीमा नियमित सेवा लिने बच्चाको तौल लिने आमा र परिवारलाई नियमित गर्नुपर्ने चेकजाच, खानपान, सरसफाइ बारे जानकारी दिनुभयो । यसले कुपोषण अन्त्य गर्न मद्दत पुग्ने बताउनुभयो ।
सुनौलो हजार दिनका र २४ पटक वृद्धि अनुगमनमा सहभागी भएका बालबालिकाका अभिभावकहरूलाई प्रोत्साहन स्वरूप पोषणयुक्त सामाग्री पुरस्कार स्वरुप वितरण गरिएको थियो।
स्वास्थ्य चौकी प्रमुख राज आचार्यले कार्यक्रम सञ्चालन गर्नुभएको थियो।
