रामपुर कप २०८१ अन्तर्गत आज तृतीय स्थानका लागि खेल हुँदै

पाल्पा ।

पाल्पाको रामपुरमा जारी रामपुर महोत्सव अन्तर्गत आयोजना गरिएको राष्ट्रिय भलिबल कप २०८१ मा आज पहिलो खेल तृतीय स्थानका लागि हुने भएको छ ।

रामपुर उद्योग वाणिज्य संघको आयोजनामा माघ १५ गतेदेखि रामतुलसी नमुना माविको खेल मैदानमा शुरु भएको रामपुर महोत्सव, कृषि प्रदर्शन तथा व्यापार मेलामा माघ २१ गतेदेखि क्लब स्तरीय भलिबल प्रतियोगिता आयोजना गरिएको थियो ।
महोत्सवको थप आकर्षण तथा राष्ट्रिय खेल भलिबल खेल प्रति क्रेज बढ्दै संघको खेलको आयोजना गरेको हो ।

फाइनल प्रबेशका लागि आर्मी र पुलिस क्लब भिड्दै

६ समूह सहभागी खेल अन्तर्गत शनिबार तेस्रो स्थानका लागि खेल हुदैछ । पाल्पाको निस्दी भलिबल क्लब र त्रिभुवन आर्मी क्लब तृतीय स्थानका लागि भिड्नेछन् । फाइनल खेलमा प्रबेश गर्न निस्दी भलिबल क्लब एपिएफ क्लब संग र त्रिभुवन आर्मी नेपाल पुलिस क्लब संग पराजित भएको थियो ।

फाइनलमा प्रबेश गरेको एपिएफ निस्दीलाई २५-२१,१८-२५,१९-२५ र २२-२५ अर्थात् १ का विरुद्ध ३ सेटले बिजयी भई फाईनलमा पुगेको हो । त्यस्तै, नेपाल पुलिस क्लब पनि १ का विरुद्ध ३ सेटले आर्मीलाई पछि पार्दै जित निकालेको हो । पुलिस क्लबले २५-१८,१८-२५,२३-२५ र २०-२५ ले जित निकालेको हो । तृतीय स्थानका लागि खेल भए संगै शनिबार नै एपिएफ र पुलिस क्लब बिच फाइनल खेल हुने खेल संयोजक कमल रानाले जानकारी दिनुभयो ।