रामपुर १० मा योजना संकलन

पाल्पा ।

आगामी आर्थिक बर्षका लागि रामपुर नगरपालिका १० मा योजना संकलनको काम भएको छ । दुर्गा मन्दिर टोलमा बसेको टोलबासीको भेलाले आबश्यकताको आधारमा योजना प्राथमिकताका साथ संकलन गरेको छ ।

रामपुर नगरपालिका वडा नम्बर १० का वडा अध्यक्ष तोयानाथ सारु थापाले योजना छनौट प्रक्रिया र प्राथमिकताका बारेमा जानकारी गराउनुभएको थियो । धेरै भन्दा प्राथमिकता स्वरुप महत्वपुर्ण र आबश्यकीय योजना अघि सार्न उहाँले अनुरोध गर्नुभयो ।

टोल संयोजक सुरेन्द्र भण्डारीको अगुवाईमा बसेको भेलामा वडा सदस्य पिताम्बर ओस्तीले थोरै–थोरै भएपनि अधुरा योजना पुरा गर्दै नयाँ योजना थप्न पहल गर्ने बताउनुभएको थियो । उहाँले वडाबासीले प्राथमिकताको साथ छनौट गरेको योजनामा काम गर्न आफुहरुले निरन्तर पहल गर्ने बताउनुभयो ।

आगामी आर्थिक बर्ष २०८१/०८२ को योजना संकलनका लागि टोलमा बसेको भेलामा पुर्व प्रशासक रामकृष्ण भण्डारीले थोरै लगानीबाट धेरै जनतालाई ताभान्वित हुने योजना छनौट हुनु पर्ने सुझाउनुभयो । उहाँले स्वास्थ्य, खानेपानी, व्यवस्थापन, सिंचाई र मोटरबाटो लगायत आधारभुत र आबश्यकीय योजनाले प्राथमिकता पाउनुपर्ने बताउनुभयो । भेला रामपुर १० को सामुदायिक भवनमा बसेको थियो ।