रोजगार संग जोड्ने सिलाईकटाई तालिमको नगरप्रमुखद्दारा अनुगमन
Sabalnews
प्रकाशित मिति :
बिहिबार, बैशाख २० २०८१
पाल्पा ।
तानसेन नगरपालिका वडा नम्बर ७ मा सिलाईकटाई तालिमको तानसेन नगरपालिका नगरपालिका प्रमुख सहितको टोलीले अबलोकन अनुगमन गरेको छ ।
गरिबी निवारणका लागि लघु उधम विकास कार्यक्रम (मेडपा) अन्तर्गत तानसेन नगरपालिकाले वडा नम्बर ७ मा सिलाई कटाई (तह २) तालिम चलाएको छ ।
सीप तालिमकाे अनुगमन गर्दै तानसेन नगरपालिकाका नगर प्रमुख सन्तोषलाल श्रेष्ठले सिपले आर्थिक आम्दानी संग जोड्ने बताउनुुभयो। उपप्रमुख प्रतिक्षा गाहा सिङ्जालीले आम दिदीबहिनीलाई रोजगार संग जोडेको बताउनुभयो । सामान्य सिलाई कटाई गर्दै आएका महिलालाई तह २ तालिमले थप अबसर जुटाएको बताउनुभयो ।
नगरपालिकाका प्रमुख प्रशासकिय अधिकृत हरिराम नागिलाले नगरिकलााई रोजगार संग जोड्न र उद्यम संग जोड्न तालिम फलदायी भएको बताउनुभयो ।
तानसेन नगरपालिका वडा न ७ का वडा अध्यक्ष प्रदिप खनालले १ महिनासम्म चल्ने तालिममा महिलाले उत्साहपुर्वक तालिम सिकेको र यसले दैनिक आयाआर्जनमा ठूलो सहयोग पुग्ने उहाँले बताउनुभयो ।
