प्रेमध्वज संगीत रत्न पुरस्कार युवा गायक रुपक डोटेललाई
Sabalnews
प्रकाशित मिति :
आइतबार, माघ १४ २०८०
काठमाडौं ।
बिन्धवासिनी फाउण्डेसनले युवा गायक रुपक डोटेललाई प्रेमध्वज संगीत रत्नबाट सम्मान गर्ने भएको छ ।
शनिबार आयोजित फाउण्डेसनको दशौँ वार्षिक भेलाले स्याङ्जाली लोक आधुनिक तथा गजल गायक डोटेललाई २५ हजार रुपैयाँ राशीसहित सम्मान प्रदान गर्ने निर्णय गरेको हो ।
म्युजिक लाइफटाइम अचिभमेन्ट अवार्ड २०८० अग्रज गायिका मीरा राणालाई सम्मानित गरिने भएको छ । उहाँलाई नगद एक लाख रुपैयाँ राशिसहित सम्मानप्रदान गर्ने जनाइएको छ ।
बिन्ध्यवासिनी संगीत साधना सम्मान २०८० बाट नगद ५० हजार रुपैयाँ राशिसहित वरिष्ठ संगीतकार भूपेन्द रायमाझीलाई सम्मान गर्ने निर्णय भएको छ ।
भेलाले २५ राशिसहितको बिन्ध्यवासिनी कला पत्रकारिता सम्मान पत्रकार शान्तिप्रियलाई अर्पण गर्ने निर्णय गरेको छ ।
बिन्ध्यवासिनी फाउण्डेसनले लोक दोहोरी गायक राजु परियारलाई झलकमान लोक संगीत सम्मान २०८० बाट सम्मानित गर्ने भएको छ ।
परियारलाई २५ हजार रुपैयाँ राशीसहित सम्मान प्रदान गरिने भएको हो । म्युजिक अवार्डको १४ औँ संस्करण चैत १ गते आयोजना हुने जनाइएको छ ।
