जन्मेको छोरीलाई गुल्मीको कालिगण्डकी गाउँपालिकाले १० हजार बचत गरिदिने
Sabalnews
प्रकाशित मिति :
बुधबार, माघ १० २०८०
गुल्मी ।
गुल्मीको कालीगण्डकी गाउँपालिकाले छोरी जन्मे छोरीको खातामा १० हजार रुपियाँ जम्मा गरिदिने नीति ल्याएको छ । जिल्लाको कालीगण्डकी गाउँपालिकाले पालिका भित्र छोरी जन्मिएमा छोरीको खाता खोलेर १० हजार रुपियाँ जम्मा गरिदिने नीति लिएको गाउँपालिकाले जनाएको छ ।
अहिले छोरीको खाता खोलेर अक्षयकोषको रुपमा १० हजार राखिदिने र उसको खाता रोक्का गरिदिने गरी योजना बनाएको स्वास्थ्य शाखाका प्रमुख चन्द्रबहादुर थापाले जानकारी दिनुभयो ।
अहिले राखिदिएको १० हजार रुपियाँबाट १५ वर्षपछी छोरीको नागरिकता बन्दा करिब ४० हजार रुपियाँ पुग्ने भएकाले उच्च शिक्षा हासिल गर्नमा थप टेवा पुग्ने गाउँपालिकाले विश्वास लिएको छ ।
छोरीको नागरिकता बनेपछी छोरीले उक्त रकम निकाल्न पाउँने भएकाले अन्य परिवारका सदस्यले निकाल्न नपाउने गरी कुमारी बैङकमा खाता खोल्ने र उक्त रकम जम्मा गरिदिने गाउँपालिकाले जनाएको छ ।
