बालविवाह गर्ने दुलाहसहित विवाह गराउने पण्डित मण्डपबाटै पक्राउ
Sabalnews
प्रकाशित मिति :
आइतबार, पौस २२ २०८०
दाङ ।
दाङको तुलसीपुरमा बालविवाह गर्ने दुलाहसहित विवाह गराउने पण्डितलाई विवाह मण्डपबाटै प्रहरीले पक्राउ गरेको छ । पक्राउ पर्नेमा तुलसीपुर ८ कटकुईया निवासी दुलाह २९ वर्षीय डाक्टर केसी र सोही ठाउँका ५७ वर्षीय पण्डित तारा प्रसाद देवकोेटा रहेको इलाका प्रहरी कार्यालय तुलसीपुरका प्रहरी निरीक्षक नवचन्द्र मल्लले जानकारी दिनुभयो ।
उहाँका अनुसार डाक्टर केसी र तुलसीपुर ५ रानीजरुवा निवासी १४ वर्षीया बालिकाबिच बालविवाह भइरहेको भन्ने गोप्य सूचनाको आधारमा इलाका प्रहरी कार्यालय तुलसीपुरका प्रहरी निरीक्षक नवराज केसीको कमाण्डमा खटिएको प्रहरी टोलीले विवाह गरिहेकै अवस्थामा घरबाटै हिजो दिउँसो ३ बजेको समयमा पक्राउ गरेको हो ।
पक्राउ परेका दुबैजनालाई जिल्ला अदालत दाङबाट ५ दिनको म्याद थप गरी तुलसीपुरको हिरासतमा राखेर आवश्यक अुनसन्धान भइरहेको प्रहरी निरीक्षक मल्लले बताउनुभएको छ ।
