पाल्पामा जेष्ठ नागरिक, अपाङ्गता र विद्यार्थीलाई छुट अनिवार्य गर्न यातायात कार्यालयको आग्रह
पाल्पामा जेष्ठ नागरिक, अपाङ्गता र विद्यार्थीलाई छुट अनिवार्य गर्न यातायात कार्यालयको आग्रह
Sabalnews
प्रकाशित मिति :
शनिबार, असार १६ २०८०
1.1K
पाल्पा ।
जिल्लामा संचालन हुने सार्वजनिक सवारी साधनहरुले जेष्ठ नागरिक, अपाङ्गता भएका व्यक्ति र विद्यार्थीहरुलाई छुट अनिवार्य रुपमा दिन यातायात व्यवस्था कार्यालय पाल्पाले आग्रह गरेको छ ।
कतिपय सवारीहरुले छुट पाउने नागरिकहरुलाई सहज रुपमा छुट नदिएको भन्ने गुनासो आएकोले कार्यालयले एक प्रेस बिज्ञप्ति मार्फत उक्त आग्रह गरेको हो ।
लुम्विनी प्रदेश सरकारले सवारी करमा ६० प्रतिशत कर छुट गरेको भन्दै जेष्ठ नागरिक, अपाङ्गता भएका व्यक्ति तथा विद्यार्थीलाई यातायात भाडामा ४५ प्रतिशत छुट दिनुपर्ने जनाएको छ ।
यातायात व्यवस्था सेवा कार्यालय पाल्पाका प्रमुख केशव सुनारद्धारा हस्ताक्षरित बिज्ञप्तिमा सबै खालका सार्वजनिक सवारीसाधनलाई नियमानुसार भाडामा छुट दिन अनुरोध गरेको उल्लेख छ । यदि कोही कसैले तोकिएका समूहलाई भाडामा छुट नदिए कडा कारबाही गरिने कार्यालयले जनाएको छ ।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
