पुर्वीपाल्पा सक्रिय आमा समुहको नयाँ नेतृत्व चयन

पाल्पा ।

पुर्वी पाल्पा सक्रिय आमा समूह रामपुर ५ को भेलाले साबित्रा गौतमको अध्यक्षतामा ११ सदस्यीय समिति चयन गरेको छ ।

मटेरीमा बसेको महिलाहरुको भेलाले समितिको उपाध्यक्षमा अम्बिका लम्साल, सचिवमा हरिकला रेग्मी, कोषाध्यक्षमा बिमला भट्टराई र सहसचिवमा गोमा अधिकारीलाई चयन गरेको छ । समितिको सदस्यहरुमा प्रतिमा कोइराला, भिमकुमारी ढकाल, चन्द्रा न्यौपाने, बिष्णु भण्डारी, शान्ति भण्डारी र मिना पोखरेल रहनुभएको छ ।

भेला पुर्वी पाल्पा सक्रिय आमा समूहका अध्यक्ष रिता गौतमको अध्यक्षतामा बसेको थियो । अध्यक्ष गौतमले निरन्तर सामाजिक कार्यमा सक्रिय आमा समुहलाई सहकार्य र समन्वय मार्फत नमुना कार्यमा लाग्न शुभकामना दिनुभयो ।