आज मे १ तारिख अन्तर्राष्ट्रिय श्रमिक दिवस देशभर मनाइदै
Sabalnews
प्रकाशित मिति :
सोमबार, बैशाख १८ २०८०
काठमाडौं ।
आज अन्तर्राष्ट्रिय श्रमिक दिवस विभिन्न कार्यक्रम गरी मनाइँदैछ ।
‘८ घण्टा काम, ८ घण्टा मनोरञ्जन र ८ घण्टा आराम’ नारासहित अमेरिकामा शादन विरुद्ध मजदुर एक भई गरेको मजदुर आन्दोलनको सम्झनामा विश्वभर अन्तर्राष्ट्रिय श्रमिक दिवस मनाउन थालिएको हो ।
श्रम सम्बन्धलाई व्यवस्थित गर्दै सन् १८८६ मा श्रमिकको पेशागत मर्यादा र सम्मानको प्रत्याभूति गराउन प्रत्येक मजदुरको लागि काम, मनोरञ्जन र आरामको अभियानले सार्थकता पाएको सम्झनामा स्वरुप दिवस मनाउन थालिएको हो ।
आफ्ना सुविधाको समयानुकूल बढोत्तरी तथा आफ्ना अधिकारको सुनिश्चितताका लागि सरकार र रोजगारदातालाई दबाब दिने उद्देश्यले विभिन्न कार्यक्रम गरी यो दिवस मनाउने गरिन्छ ।
नेपालमा २००७ सालमा विराटनगरमा भएको मजदूर आन्दोलनसँगै यो दिवस मनाउन थालिएको हो । मुलुकभर क्रियाशील ट्रेड युनियनको छाता सङ्गठन संयुक्त ट्रेड युनियन समन्वय केन्द्रको अगुवाइमा सबै मजदुर संगठनहरुले आज यो दिवस मनाउँछन् । जिल्ला- जिल्लामा समेत विभिन्न कार्यक्रम गरि दिवस मनाइदैछ ।
