निस्दी र पूर्वखोला गाउँपालिका जोड्ने पक्की पुलको उद्घाटन हुने
निस्दी र पूर्वखोला गाउँपालिका जोड्ने पक्की पुलको उद्घाटन हुने
होम राई मगर
प्रकाशित मिति :
सोमबार, बैशाख ४ २०८०
2K
पाल्पा ।
निस्दी गाउँपालिका र पूर्वखोला गाउँपालिका पाल्पा जोड्ने मोटरेबल पुलको आगामी बैशाख ५ गते उद्घाटन हुने भएको छ ।
२ पालिका जोड्ने मोटोरेबल पक्की पुलको लुम्बिनी प्रदेशका भौतिक पूर्वाधार बिकास मन्त्री चेत नारायण आचार्यले उद्घाटन गर्नुहुने निस्दी गाउँपालिकाका प्रवक्ता मेख बहादुर सुनारीले बताउनुभयो ।
लुम्बिनी प्रदेशको भौतिक पूर्वाधार विकास मन्त्रालय यातायात पूर्वाधार निर्देशनालयको आयोजनामा निस्दीखोलाको रेचेघाटमा पुल निर्माण भएको थियो । कुल ४ करोड २८ लाख रुपैयाँको लागतमा निर्माणकार्य सकिएको हो ।
जयनेपाल कम्पनी विवेक कुमार निर्माण सेवा प्रा. लि. स्याङ्जाले निर्माण गरेको पुल पैदलमार्ग सहित २ ल्याण्डको छ । पुलको लम्बाई ४६ मिटर रहेको छ ।
२ गाउँपालिकालाई जोड्ने मोटरेबल पुल समयमै निर्माण भएपछि स्थानीय नागरिकहरु खुशी भएका छन् ।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
