राधा दामोदरमा सकियो शास्त्री तहको परिक्षा
समीर पौडेल
प्रकाशित मिति :
आइतबार, चैत्र २६ २०७९
स्याङ्जा ।
स्याङ्जाको चापाकोट साखरमा रहेको राधा दामोदर ज्ञानज्योती संस्कृत पिद्यापीठमा शास्त्री तहको परिक्षा सकिएको छ ।
गत चैत १० गतेदेखि चलेको शास्त्री (बि.ए.) परिक्षा चैत २५ गते सकिएको हो । ब्यबस्थापन समितीका अध्यक्ष हरिबाबु पोख्रेलको अध्यक्षतामा भएको कार्यक्रममा सस्कृत विश्व विद्यालय बाट पाल्नु भएका गुरु पर्यबेक्षक नागेन्द्र गौतमले सौहार्द बाताबरणमा परिक्षा संचालन भएकोमा धन्यवाद ब्यक्त गर्नुभएको थियो ।
चापाकोट नगरपालिका बडा न ६ का अध्यक्ष तारादेवी पोख्रेलले क्याम्पस बिकासको निम्ति सबै लाग्नुपर्ने र आफू पनि निरन्तर सहकार्य गर्ने बताउनुभयो। राधा दामोदर सस्क्कृत विद्यापिठका प्राचार्य डा खेमराज खनालले विद्यालयलाई शैक्षिक उन्नयनको क्षेत्रका रुपमा मिलेर अगाडी बढाउन प्रयत्नशील हुने बताउनुभयो ।
एक कार्यक्रमका बिच पर्यवेक्षकलाई बिद्यालय र विद्यार्थीले सम्मान सहित बिदाइ गरेका थिए ।
कार्यक्रमको संचालन विद्यापिठका शिक्षक घनश्याम खनालले गर्नुभएको हो।
