उपराष्ट्रपतिमा जनता समाजवादी पार्टीका सांसद रामसहायप्रसाद यादव निर्वाचित
Sabalnews
प्रकाशित मिति :
शुक्रबार, चैत्र ३ २०७९
काठमाडौँ ।
उपराष्ट्रपति पदमा जनता समाजवादी पार्टीका सांसद रामसहायप्रसाद यादव निर्वाचित हुनुभएको छ।
शुक्रबार बिहान १० बजेदेखि ३ बजेसम्म भएको मतदानमा १० दलीय गठबन्धनबाट उमेदवार यादव उपराष्ट्रपतिमा विजयी हुनुभएको हो ।
निर्वाचित यादवले संघतर्फ १८४ र प्रदेशतर्फ ३२९ सांसदको मत पाउनुभयो भने एमाले उमेदवार अष्टलक्ष्मी शाक्यले प्रदेशतर्फ १६९ र संघतर्फ १०४ सांसदको मत पाउनुभयो । यस्तै जनमत पार्टीकी ममता झाले प्रदेशतर्फ १५ सांसदले मत पाउँदा संघतर्फ २३ सांसदको मत पाउनुभएको छ । उम्मेदवारी निष्क्रिय बनाएपनि जसपाकी प्रमिला यादवले प्रदेशतर्फ १ सांसदको मत पाउनुभयो ।
उपराष्ट्रपति निर्वाचन अन्तरगत शुक्रबार बानेश्वरस्थित संसद भवनमा मतदान भएको थियो । मतदान सकिएसँगै मतगणना सुरु भएको हो । निर्वाचनमा ८२९ मत खसेको थियो । जसमा संघीय संसद्तर्फ ३११ र प्रदेशतर्फ ५१८ मत खसेको हो ।
