गणतान्त्रिक नेपालको तेस्रो राष्ट्रपतिमा रामचन्द्र पौडेल बिजयी
Sabalnews
प्रकाशित मिति :
बिहिबार, फाल्गुन २५ २०७९
काठमाडौं ।
नेपालको तेस्रो राष्ट्रपतिमा नेपाली कांग्रेसका वरिष्ठ नेता रामचन्द्र पाैडेल निर्वाचित भएका छन्। बिहीबार भएको मतदानमा संघीय संसदमा भएको निर्वाचनमा पौडेलले ३३ हजार ८०२ मतभार सहित निर्वाचित भएका हुन् ।
पौडेलले २१४ संघीय सांसद र ३५२ प्रदेश सांसदको मत पाप्त गरेका छन् । नेकपा एमालेका सुवासचन्द्र नेम्वाङलाई पराजित गर्दै पाैडेल विजयी भएका हुन ।
पौडेलले ३३ हजार ८ सय २ मतभार प्राप्त गरेका छन् भने नेम्बाङले १५ हजार ५ सय १८ मतभार प्राप्त गरेका छन् ।
राष्ट्रपति चुनावमा संघीय संसद्तर्फ ३१३ सांसद (२४ हजार ७ सय २७ मतभार) ले मतदान गरेका थिए भने प्रदेशतर्फ ५१८ (२४ हजार ८ सय ६४ मतभार ) सांसदले मत दिएका थिए ।
चुनावी प्रक्रियामा सहभागी भएका सांसदहरुको कूल मतभार ४९ हजार ५ सय ९१ थियो । राष्ट्रपति निर्वाचित हुनका लागि २६ हजार ३ सय १५ आवश्यक पर्छ । राष्ट्रपति र उपराष्ट्रपति निर्वाचनमा संघीय सांसद र प्रदेश सभा सदस्यहरूको हाल कायम रहेको मतभार ५२ हजार ६ सय २८ थियो ।
