नहरमा नवजात शिशु मृत फेला
नहरमा नवजात शिशु मृत फेला
Sabalnews
प्रकाशित मिति :
बुधबार, मंसिर २८ २०७९
687
पाल्पा ।
रामपुर फाट सिंचाइ योजनाको नहर अन्तर्गत रामपुर नगरपालिका वडा नं.५ बेझाँड बसपार्क नजिकै नहरमा नवजात शिशु मृत फेला परेको छ ।
बुधबार विहान स्थानीयले सालनाल सहितको शिशु नहरको पानीमा देखेपछि प्रहरीलाई खबर गरेका थिए । बगिरहेको नहरको पानीमा नवजात शिशु (बालिका) शव बुधबार विहान फेला परेको हो ।
प्रहरीका अनुसार अन्दाजी १/२ दिनको नवजात शिशुको शव फेला परेको हो । बच्चा हेर्दा पूरा महिना पुगेर जन्मेको जस्तो देखिएको ईलाका प्रहरी कार्यालय रामपुरका प्रहरी निरिक्षक लक्ष्मण देवकोटाले जानकारी दिनुभयो । बच्चा जन्माएर नहरमा फालेको आशंका छ ।
थप अनुसन्धान भैरहेको प्रहरीले जनाएको छ । मृत अवस्थामा फेला परेको शिशुको शव पोष्टमार्टमका लागि रामपुर अस्पतालमा राखिएको छ ।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
