एकैदिन ५६८ जनामा कोरोना पुष्टि, १ जनाको मृत्यु
Sabalnews
प्रकाशित मिति :
सोमबार, साउन ९ २०७९
काठमाडौँ ।
नेपालमा पछिल्लो २४ घण्टामा ३०८४ जनामा पिसिआर परिक्षण गर्दा ४५३ जना र १७१६ जनामा एन्टीजेन परिक्षण गर्दा ११५ जना गरी ५६८ जनामा कोरोना भाइरस (कोभिड-१९) संक्रमण पुष्टि भएको छ ।
कोरोना संक्रमण केही दिनयता दैनिक रुपमा बढ्दै गएको छ । हिजो भन्दा आज देशभर कोरोना संक्रमण बढेकोमा हिजो ३४७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
स्वास्थ्य मन्त्रालयका अनुसार पछिल्लो २४ घण्टामा ९५ जनाले कोरोना जितेसंगै नेपालमा कोरोना जित्नेको संख्या ९ लाख ६८ हजार ५८४ जना पुगेको छ । नेपालमा कोरोना निको हुने दर ९८.४ प्रतिशत रहेको मन्त्रालयले जनाएको छ ।
पछिल्लो २४ घण्टामा कोरोना संक्रमणवाट १ जनाको मृत्यु भएको छ । हालसम्म कोरोना संक्रमणवाट ११९५७ जनाको मृत्यु भईसकेको छ । नेपालमा कोरोना संक्रमणबाट मृत्यु हुने दर १.२ प्रतिशत रहेको मन्त्रालयले जनाएको छ ।
