रामेछापमा बस दुर्घटना ९ को ज्यान गयो, २४ घाइते
Sabalnews
प्रकाशित मिति :
मंगलबार, असार २१ २०७९
रामेछाप ।
जिल्लाकाे सुनापति गाउपालिकाे लुभसघाट नजिकै यात्रुबाहक बस दुर्घटना हुदा ९ जनाकाे मृत्यु भएकाे छ । दुर्घटनामा २४ जना घाइते भएका छन् ।
मंगलबार बिहान सुनापतिबाट काठमाडौ तर्फ आउदै गरेकाे बा ३ ख ८३९६ नम्बरकाे यात्रुबाहक बस सुनापती ५ र खाँडादेवी १ को सिमानाकाे मोडमा दुर्घटना भएकाे हाे ।
बस अचानक सडकबाट ३०/३५ मिटर तल खसेको जिल्ला प्रहरी कार्यालय रामेछापले जानकारी दिएकाे छ । घटना स्थलमा ४ महिला सहित ९ जना मृत्यु भएकाे छ । घाइते २४ जनालाई भने उपचारका लागि धुलिखेल अस्पताल पठाएकाे र थप विवरण भने आउन बाकी रहेकाे प्रहरीले जनाएकाे छ ।
दुर्घटनाकाे खबर प्राप्त हुनासाथ जिल्ला प्रहरी कार्यालय रामेछापबाट प्रहरी नायव उपरिक्षक राजकुमार थिङकाे नेतृत्वमा प्रहरी घटनास्थलमा पुगेकाे थियाे । प्रहरी टाेलीले बसमा सवार २४ जना घाइतेहरुकाे उद्दार गरि उपचारका लागि धुलिखेल अस्पताल पठाएकाे हो ।
बसमा ४० यात्रु भनिएपनि एकिन भएको छैन । घटना स्थल जिल्ला प्रहरी कार्यालयबाट रामेछापबाट झण्डै ५५ कि. मि. पश्चिममा पर्दछ ।
