भारतमा कोरोनाका ६५ सय नयाँ संक्रमित थपिए
भारतमा कोरोनाका ६५ सय नयाँ संक्रमित थपिए
Sabalnews
प्रकाशित मिति :
मंगलबार, जेष्ठ ३१ २०७९
869
भारत ।
भारतमा कोरोना भाइरसका थप ६५ सयभन्दा बढी संक्रमित भएका छन् । त्यहाँका सरकारी अधिकारीहरुले दिएको जानकारी अनुसार पछिल्लो १ दिनमा ६ हजार ५ सय ९४ जना नयाँ संक्रमित थपिएका हुन् ।
यो सङ्ख्या अघिल्लो दिनको भन्दा १८ प्रतिशत कम हो । तर पनि भारतमा कोरोनाको संक्रमण दर बढ्दै गएको छ । सोमबार सार्वजनिक गरेको विवरणमा ८ हजार ८४ जना नयाँ संक्रमित भएको देखिएको थियो ।
भारतमा अहिले संक्रमित अवस्थामै रहेकाहरुको सङ्ख्या भने ५० हजार ५ सय ४८ रहेको स्वास्थ्य मन्त्रालयले जनाएको छ । संघीय स्वास्थ्य मन्त्रालयले पछिल्लो एक दिनमा ४ हजार ३५ जना कोरोना भाइरसबाट संक्रमणमुक्त भएको जनाएको छ । योसँगै भारतमा अहिलेसम्म संक्रमणमुक्त भएकाहरुको कुल सङ्ख्या ४ करोड २६ लाख ६१ हजार ३ सय ७० पुगेको छ ।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
