पाल्पामा ३ पत्रकार एमालेबाट वडा अध्यक्षमा बिजयी
Sabalnews
प्रकाशित मिति :
आइतबार, जेष्ठ ८ २०७९
पाल्पा ।
पाल्पामा लामो समयदेखि पत्रकारिता गर्दै आएका ३ पत्रकार वडाअध्यक्षमा निर्वाचित भएका छन् ।
नेपाल पत्रकार महासंघका सदस्य ३ जना पत्रकारलाई नेकपा एमालेले उमेद्धार बनाएको थियो । पत्रकारिता गर्दै आएका नेपाल पत्रकार महासंघका निवर्तमान अध्यक्ष राजेश कुमार अर्याल तानसेन नगरपालिकाको वडा नम्बर ९, पत्रकारिताका अग्रज जेष्ठ पत्रकार सोमनाथ अर्याल तानसेन नगरपालिका वडा नम्बर ८ र सदस्य ओम प्रकाश गैरे बगनासकाली गाउँपालिका वडा नम्बर ५ दर्लमडाँडाको वडाध्यक्ष पदमा निर्वाचित हुनुभएको हो ।
नेपाल पत्रकार महासंघको बिधान अनुरुप कुनै पनि राजनितिक दलको सदस्य अध्यक्ष भएको व्यक्तिको स्वतः पत्रकार महासंघको सदस्यता खारेज हुने व्यवस्था छ । निर्वाचित वडाअध्यक्ष मध्ये पत्रकार महासंघका सदस्य गैरेले लिखित र अर्यालले मौखिक जानकारी गराउनुभएको नेपाल पत्रकार महासंघ पाल्पाका अध्यक्ष रेखीराम रानाले जानकारी दिनुभयो ।
