सहमतिको प्रयासमा पाल्पा गठबन्धन
Sabalnews
प्रकाशित मिति :
आइतबार, बैशाख ४ २०७९
पाल्पा ।
सत्ता गठबन्धनबीच स्थानीय तहमा चुनावी तालेमेल गर्ने विषयमा पाल्पामा सहमति नजिक पुगेको राजनीतिक संयन्त्रले बताएको छ । २ दिन अघि सम्म गठबन्धनको बैठक बसेपनि उपलब्धी झण्डै नभएको बताएको संयन्त्रले आइतबारको बसाईले केही उपलब्धि दिएको हो ।
गठबन्धनमा आबद्ध पाँच दलबिच सिट बाँडफाँडको विषयमा छलफल भए पनि सबैमा सहमति भने हुन सकेको छैन । १० स्थानीय तह रहेको पाल्पाका ८१ वटा वडामै चुनावी तालमेल गर्ने गरि संयन्त्र लागेको हो। तर गठबन्धनमा आबद्ध दलहरुले आ–आफ्नो दावी अघि सार्दै आएका छन् ।
पाल्पामा यस अघि ४ स्थानीय तह काङ्ग्रेसले जितेको थियो । अन्य ६ पालिका एमालेले जितेको थियो । पाचदलिय गठबन्धन कार्यदलको आइतबार साझसम्म बसेको बैठकले सहमति नजिक पुगेको र सोमबार बिहान बस्ने बैठकले सहमतिलाई टुङ्गोमा पुर्याउने अघि बढेको कार्यदलमा सहभागी राष्ट्रिय जनमोर्चाका जिल्ला अध्यक्ष विशाल दर्लामीले जानकारी दिनुभयो । पाल्पामा नेपाली काङ्ग्रेसका जिल्ला सभापति हिमाल दत्त श्रेष्ठको नेतृत्वमा कार्यदल बनेको छ ।
