रिब्दीकोटमा योजना अनुगमन तिब्र
Sabalnews
प्रकाशित मिति :
मंगलबार, बैशाख २५ २०८१
पाल्पा ।
रिब्दीकोट गाउँपालिका अध्यक्ष सहितको टोलीले वडा न. ७ का विभिन्न टोलहरुमा निर्माणाधीन तथा निर्माण सम्पन्न विभिन्न योजनाहरुको अनुगमन गरेको छ ।
यस आर्थिक बर्षमा निर्माण तथा मर्मत भएका योजना र निर्माणको अन्तिम चरणमा रहेका योजनाको रिब्दीकोट गाउँपालिका अध्यक्ष नारायण बहादुर कार्की सहितको टोलीले अनुगमन गर्दै काम चुस्त हुनुपर्नेमा जोड दिएको हो । योजना अनुगमन गर्दै गाउँपालिका अध्यक्ष कार्कीले गाउँपालिकाको विकास र मानव जीवन संग योजना कार्यक्रम जोडिएकोले सबै पक्षले योजना राम्रो बनाउदै समयमै सक्न अनुरोध गर्नुभयो ।
गाउँपालिकाका प्रमुख प्रशासकिय अधिकृत लेखनाथ पोखरेलले योजनाले आम नागरिकको दैनिकी जोडिएकोले जिम्मेवार पक्षले नियमपुर्वक काम गर्नुपर्नेमा जोड दिनुभयो ।
टोलीले गाउँपालिकाको वडा नम्बर ७ मा गाउँपालिका, वडा तहका योजनाको अनुगमन गरेको छ भने पालिकाका अन्य वडाका योजनाको पनि अनुगमनलाई तिब्र बनाएको छ ।
