चुनाबका बेला वडा सभापतिको गोठमा आगजनी
Sabalnews
प्रकाशित मिति :
शनिबार, बैशाख २४ २०७९
पाल्पा,
स्थानीय तहको निर्वाचन नजिकिदै जादा नेपाली कांग्रेस रामपुर ६ का वडा सभापति गोविन्द प्रसाद देवकोटाको गोठमा आगजनी भएको छ ।
घरकै आडमा रहेको गोठको झ्यान्कटमा शुक्रवार राती सवा १२ बजेतिर अज्ञात समुहले आगजनी गरेको प्रहरीले जनाएको छ। आगजनीबाट ठूलो क्षति हुन पाएन। गोठमा बस्तुभाउ सहित मोटरसाइकल र स्कुटर समेत रहेकोमा तोरीको गट्टेमा आगो सल्कदै गर्दा छिमेकीले देखेपछि आफुहरुलाई चिच्याएको देवकोटाले बताउनुभयो ।
हामी सबै सुतिसकेका थियौ पल्लो घरको बुवा ट्वाइलेट जान निस्केको बेलामा देखेर हल्ला गर्नुभयो । नत्र गोठ, गोठको पराल, सवारीसाधन र जोडिएको घरमा पनि क्षति हुन्थ्यो ।
आगोलागी किन र कस्ले लगायो भन्ने अनुसन्धान जारी रहेको ईलाका प्रहरी कार्यालय रामपुरका प्रहरी नायव उपरीक्षक हेम बहादुर के.सी.ले जानकारी दिनुभयो ।
नेपाली कांग्रेस रामपुर नगर समितिले शनिबार एक विज्ञप्ती जारी गर्दै पार्टीका वडा सभापतिको घरमा राजनितिक प्रतिशोधले भएको घटनाप्रति भत्सर्ना गर्दै दोषीलाई कारवाहीको माग गरेको छ ।
