लुम्बिनी प्रदेशका महिला खेलाडीलाई रामपुर नगरको सम्मान

रामपुर नगरपालिका उपप्रमुख बालकुमारी थापाले खेल क्षेत्रको उत्थानमा महिला खेलाडीहरुले महत्वपूर्ण भूमिका निर्वाह गरेको बताउनुभयो । उहाँले खेलाडीहरुलाई थप हौसला प्रदान गर्न कार्यक्रम गरिएको जानकारी दिनुभयो । विगतको तुलनमा महिलाले धेरै प्रगती गरेको बताउनुभयो ।

रामपुर नगरपालिकाका निमित्त प्रमुख प्रशासकिय अधिकृत चेमन प्रकाश पोखरेलले खेलकुद आवश्यकता र अधिकारको क्षेत्र भएको बताउनुभयो ।

रामपुर नगरपालिकाका प्रवक्ता एवं रामपुर-१ का वडाअध्यक्ष  कपिल बहादुर खाँणले भुगोल अनुसार भलिबल सबै क्षेत्रलाई उपयुक्त खेल रहेको बताउँदै यसका लागि पूर्वाधार निर्माण र प्रशिक्षणमा सरोकारवाला सबैले ध्यान दिनु पर्ने बताउनुभयो । रामपुर नगरपालिकाका कार्यपालिका सदस्य शारदा आचार्यले महिलाहरुले खेलकुद मार्फत दिएको योगदानको चर्चा गर्नु भएको थियो ।

नेपाल प्रेस युनियनका केन्द्रिय उपाध्यक्ष माधव अर्यालले भलिबलका लागि पाल्पा सम्भावना रहेको स्थान भएको बताउँदै बढ्दो आकर्षणलाई ध्यानमा राख्दै अन्य खेलमा भन्दा बढी भलिबलमा लगानी गर्न आवश्यक रहेको बताउनुभयो ।

लुम्बिनी भलिबल टिमका प्रशिक्षक अर्जुन घिमिरेले स्थानीय सरकारले खेलकुदको प्रवद्र्धनका लागि देखाएको सक्रियता प्रशंसनिय रहेको बताउनुभयो । लुम्बिनी प्रदेश भलिबल टिमका टिम क्याप्टेन निशा चौधरीले सम्मानको लागि धन्यवाद व्यक्त  गर्नुभयो ।

रामपुर नगरपालिकाको सभाहलमा भएको कार्यक्रम उपप्रमुख बालकुमारी थापाको अध्यक्षता, कार्यपालिका सदस्य दुर्गादेवी भण्डारी गौतमको स्वागत बाटसुरु भएको थियो । कार्यक्रमको सञ्चालन महिला शाक्गा प्रमुख सहायक महिला विकास निरीक्षक पुजा परियारले गर्नु भएको हो ।