नयाँ बर्षको अबसरमा स्याङ्जाको चापाकोटमा साङ्गितिक कार्यक्रम
Sabalnews
प्रकाशित मिति :
बुधबार, चैत्र २२ २०७९
स्याङ्जा ।
चापाकोट बजार ब्यवस्थापन समिति स्याङ्जाले नयाँ बर्ष २०८० को अवसरमा सांगीतिक कार्यक्रम गर्ने भएको छ ।
नयाँ बर्ष विशेष कार्यक्रम राष्ट्रिय कलाकारको साथमा कार्यक्रम धमाका गर्ने चापाकोट बजार व्यवस्थापन समितिका अध्यक्ष हेमन्तराज बरालले बताउनुभयो । नयाँ बर्षको अवसरमा चैत ३० गते र २०८० बैशाख १ गते पहिलो दिन चापाकोट सुन्तलीटार बजारमा कार्यक्रम हुनेछ ।
नयाँ वर्षको अवसरमा राष्ट्रिय कलाकारहरुबाट सांगीतिक कार्यक्रम, स्थानीय जातजातीको साँस्कृतिक झाँकी प्रर्दशन, क्लबस्तरीय नृत्य प्रर्दशन, सडक महोत्सव जस्ता कार्यक्रम तय गरेको बजार व्यवस्थापन समितिका सचिव देवराज गैह्रेले जानकारी दिनुभयो ।
कालीगण्डकी बेशीको सुन्तलीटारमा नयाँ बर्ष संगै उद्योगी व्यबसायीमा हौसला, पर्यटन प्रबर्द्धन, सस्कृति संरक्षण र व्यापारिक आम्दानी गरि सामाजिक कार्यमा सक्रियताका लागि बिशेष कार्यक्रम आयोजना गरिएको प्रचारप्रसार संयोजक रामु बस्यालले बताउनुभयो ।
विसं २०६५ मा स्थापना भएको चापाकोट बजार व्यवस्थापन समितिमा सुन्तलीटार बजार श्रेत्रका २ सय ५० व्यबसाय आबद्ध छन् ।
