महोत्सव स्थलका होटेलबाट बरामद घरेलु मदिरा नष्ट
Sabalnews
प्रकाशित मिति :
मंगलबार, फाल्गुन २ २०७९
पाल्पा ।
महोत्सव स्थलमा मदिरा जन्य पदार्थ बेचबिखनमा रोक लगाएपनि लुकिछिपी बेचबिखन गरेको मदिरा प्रहरीले नियन्त्रणमा लिएर नष्ट गरेको छ ।
महोत्सवको पाचौं दिन कार्यक्रम सकिएसंगै प्रहरीले महोत्सव स्टलमा रहेका होटेलमा अनुगमन निरीक्षण गर्दा भेटिएको घरेलु मदिरा बरामद गरि नष्ट गरेको हो ।
इलाका प्रहरी कार्यालय रामपुरका प्रहरी निरीक्षक लक्ष्मण देबकोटाको नेतृत्वमा स्टलका होटेलमा प्रहरीले गरेको निरीक्षणमा विभिन्न होटेलबाट ५ ग्यालिनमा रहेको २० लिटर मदिरा नियन्त्रणमा लिएर नष्ट गरेको इलाका प्रहरी कार्यालय रामपुरका प्रहरी निरीक्षक लक्ष्मण देवकोटाले जानकारी दिनुभयो ।
पसलमा लुकाइछिपाई राखिएको घरेलु मदिरा ग्यालेनमा फेला पारी प्रहरीले महोत्सव परिषर नजिकै खाल्डोमा नष्ट गरेको छ ।
रामपुरमा भव्यताका साथ संचालन भइरहेको महोत्सवलाई सभ्य रुपमा सम्पन्न गर्न मदिरा बिक्रि गर्न नपाइने भएपनि लुकिछिपी ल्याएर बिक्री गर्न राखेको मदिरा प्रहरीले खोजतलास गरि नष्ट गरेको हो ।
स्थानीय रामपुर उद्योग वाणिज्य संघको आयोजना भएपनि रामपुरका सबैको गौरबको पर्व महोत्सव भएकोले अबैध र अनैतिक कार्य नगर्न र सभ्य रुपमा मेलामा सहभागी हुन प्रहरीले सबैमा अनुरोध गरेको छ । आगामी दिनमा कुनैपनि मदिराजन्य पदार्थ महोत्सव स्थलभित्र बिक्री बितरण नगर्न प्रहरीले आग्रह गरेको छ भने नियमित अनुगमन निरीक्षण गर्ने जनाएको छ ।
