गाउँपालिका राष्ट्रिय महासंघको नेतृत्वमा हुप्सेकोट अध्यक्ष लक्ष्मी पाण्डे
Sabalnews
प्रकाशित मिति :
मंगलबार, मंसिर २७ २०७९
काठमाडौं ।
गाउँपालिका राष्ट्रिय महासंघको अध्यक्षमा नवलपुर जिल्लाको हुप्सेकोट गाउँपालिकाकी अध्यक्ष लक्ष्मी पाण्डे चयन हुनुभएको छ ।
गत बैशाख ३० गते स्थानीय तहको निर्वाचनमा देशभरीबाट धेरै पालिकामा विजयी नेपाली कांग्रेस मध्यबाट पाण्डे अध्यक्षमा चयन हुनुभएको हो । धेरै पालिका जितेको आधारमा कांग्रेसले अध्यक्ष र उपाध्यक्ष पाएको हो । उपाध्यक्षमा जुम्ला जिल्ला हिमा गाउँपालिकाका अध्यक्ष लक्ष्मण शाही चयन हुनुभएको छ ।
त्यस्तै दोस्रो ठूलो दल नेकपा एमालेले महासचिव, सचिवसहित ७ वटा पद पाएको छ । महासचिवमा गण्डकी प्रदेशको स्याङ्जाको कालीगण्डकी गाउँपालिकाका अध्यक्ष खिमबहादुर थापा चयन हुनुभएको छ । सचिवमा सिन्धुलीको फिक्कल गाउँपालिकाकी उपाध्यक्ष पार्वती सुनार, कोषाध्यक्ष माओवादी केन्द्रको भागमा परेको छ । दलहरुले सहमतिका आधारमा नेतृत्व चयन गरेका हुन् ।
काठमाडौंको प्रज्ञा भवनमा जारी अधिवेशनले ३७ सदस्यीय नेतृत्व सर्वसम्मत चयन गरेको हो ।
