चौथो एपिक नेपाल म्युजिक अवार्ड २०७९ आउदो माघमा हुने

काठमाडौं ।

नेपाली लोक गीत संगितका नयाँ पुराना विधालाई समेट्दै सर्वाेत्कृष्ट रचनालाई सम्मान गरिने एपिक नेपाल म्युजिक अवार्डको चौथो संस्करण आगामी माघ पहिलो साता हुने भएको छ ।

चौथो एपिक नेपाल म्युजिक अवार्ड टिमले एक कार्यक्रम गरि तयारी थालेको जानकारी दिएको छ । सुर्यविनायक नगरपालिका र मध्यपुर थिमि नगरपालिका वडा नम्बर ४ को सहकार्यमा हुने म्युजिक अवार्ड अन्तर्गत विगत जस्तै विविध बिधामा सर्वाेत्कृष्ट गीत, संगित र कलाकारलाई अवार्ड प्रदान गरिनेछ ।

जस अन्तर्गत लोकगीत, लोकदोहोरी, आधुनिक, पप, नेपाल भाषा, मौलिक काठे, देउडा, गीत, गीतको लय, गायक, गायिका, शब्द, संगित, मोडल, सहित सदावहार र नव कलाकारका ५ मनोनयन गीत सार्वजनिक भैसकेको एपिक नेपाल म्युजिक अवार्ड टिमले जनाएको छ ।

आगामी माघ ७ गते हुने अवार्ड प्रदान कार्यक्रममा महानायक राजेश हमाललाई नगद १ लाख १ हजार १ सय ११ रुपँया सहित महानायक सम्मान प्रदान गरिने अध्यक्ष कृष्णलाल साहुखलले जानकारी दिनुभयो ।

लोकगायक चन्द्र शर्मालाई ५१ हजार १ सय ५१ रुपँया सहित मेडल र ताम्रपत्र सहितको लोकदोहोरी रजत युवा प्रतिभा पुरस्कारबाट सम्मान गरिनेछ । ३३ हजार ३ सय ३३ रुपँयाको एपिक संगित रत्न सम्मान पुरस्कार गायिका पुर्णिमा लामालाई, नगद २५ हजार राशीको चलचित्र पत्रकार सम्मान चलचित्र पत्रकार प्रकाश सुवेदीलाई, बरिष्ठ हाँस्य कलाकार सविन शाक्यलाई नेवा सम्मान गरिनेछ ।

उत्कृष्ट ५ मनोनयनमा पर्ने गीत र कलाकारलाई आउदो पुष २ गते एक कार्यक्रममा मनोनयन प्रमाणपत्र प्रदान गरिने महासचिव बबिता श्रेष्ठले जानकारी दिनुभयो ।