आज देशभर प्रतिनिधि र प्रदेश सभा निर्वाचन जारी(फोटो फिचर)
Sabalnews
प्रकाशित मिति :
आइतबार, मंसिर ४ २०७९
काठमाडौं ।
आज देशभर प्रतिनिधि सभा र प्रदेश सभाको निर्वाचन जारी छ । देशभर नै बिहान ७ बजेदेखि मतदान सुरु भएकोमा केही मतदान स्थलमा तयारीका कारण केही ढिला भएको थियो ।
नागरिकले आज असल जनप्रतिनिधि चुन्ने दिन भएकोले अधिकार प्रयोग गरिरहेका छन् । तर यसपटक उत्साह कम देखिएको छ । संविधान निर्माण भएपछिको यो दोस्रो चुनाव हो । प्रतिनिधि सभाका लागि १६५ पदमा २,४१२ जनाले उम्मेदवारी दिएका छन् भने प्रदेशसभाका लागि ११० पदमा ३,२२४ जनाले उम्मेदवारी दिएका छन् ।
कुल मतदाता संख्या १ करोड ७९ लाख ८० हजार ५ सय ७० जना छन् भने २२ हजार २ सय २७ जना मतदान केन्द्र र १० हजार ८ सय ९२ मतदान स्थल रहेका छन् । त्यस्तै गरी अस्थायी मतदान केन्द्र १ सय ४१, समानुपातिक मतदाता ४ लाख ५० हजार र ८ करोड मतपत्र छापिएको छ ।
कुल पर्यबेक्षक ७ हजार २ सय १९ जना रहेका छन् भने १८ वटा कुटनीतिक नियोगले अनुगमन गरेको छ । त्यस्तैगरी निर्वाचन आयोगले ३ दिनभित्र प्रत्यक्षतर्फको नतिजा र ५ दिनभित्र समानुपातिकतर्फको नतिजा सार्वजनिक गर्ने भएको छ ।
