रामपुरमा श्रृजनशील कप २०७९ शुरु
Sabalnews
प्रकाशित मिति :
सोमबार, कार्तिक १४ २०७९
पाल्पा ।
पाल्पाको रामपुरमा श्रृजनशील कप २०७९ शुरु भएको छ ।रामपुर श्रृजनशील युवा क्लबको आयोजनामा रामपुर ६ बिजयपुर मैदानमा 11 A said खुल्ला फुटवल प्रतियोगिता शुरु भएको हो ।
क्लबको २४ औं बार्षिकोत्सवको अबसर पारी आयोजना गरिएको प्रतियोगितामा पाल्पा सहित स्याङ्जा, तनहुँ सहितका जिल्लाका फुटवल टिमले भाग लिएको आयोजक क्लबका अध्यक्ष ताल बहादुर थापा (गुप्त)ले जानकारी दिनुभयो ।
प्रतियोगितामा बिजेताले नगद १ लाख ११ हजार १ सय ११ रुपैया, मेडल, ट्रफी र उपबिजेताले नगद ५५ हजार ५ सय ५५ रुपैया र ट्रफी प्राप्त गर्नेछन् । प्रतियोगितामा उत्कृष्ट खेलाडी, बेष्ट किपर, बेष्ट डिफेन्डर, हाई स्कोर, राइजिङ खेलाडी र म्यान अफ दि म्याच र फेयर खेलाडीको उत्कृष्ट छ्नौट गरिने खेल संयोजक राम बहादुर थापा( राजु) ले जानकारी दिनुभयो ।
प्रतियोगिताको एक कार्यक्रमका बिच आइतबार उद्घाटन गरिएको र उद्घाटन खेल मैत्रीपुर्ण रुपमा संचालन भएको क्लबका सचिव रबि भण्डारीले बताउनुभयो ।
