आज ४ सय ३८ जनामा कोरोना सङ्क्रमण पुष्टि, २ को ज्यान गयो
Sabalnews
प्रकाशित मिति :
शनिबार, साउन १४ २०७९
काठमाडौं ।
शनिबार ४ सय ३८ जनामा कोरोना भाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयले जारी गरेको नियमित बुलेटिनका अनुसार ३ हजार ६ सय ९९ जनामा गरिएको परीक्षणमध्ये चार सय ३८ मा कोरोना सङ्क्रमण पुष्टि भएको हो । सक्रिय सङ्क्रमितको सङ्ख्या ४ हजार ३ सय ६९ रहेको छ । विगत २४ घण्टामा दुई सय ७७ जना सङ्क्रमणमुक्त भएका छन् ।
यस्तै, सङ्क्रमणबाट दुई जनाको निधन भएको छ । अहिलेसम्म ११ हजार ९ सय ६६ जनाको सङ्क्रमणबाट निधन भइसकेको छ । काठमाडौँ जिल्लामा पाँच सयभन्दा बढी तथा मोरङ र ललितपुरमा दुई सयभन्दा बढी सङ्क्रमित रहेका छन् ।
यस्तै मनाङ, कालिकोट, मुगु, हुम्ला र बाजुरामा शून्य सङ्क्रमित रहेका छन् । हाल होम आइसोलेशनमा चार हजार दुई १८, संस्थागत आइसोलेशनमा एक सय ५१ र सघन उपचारकक्ष आइसीयूमा ३३ र भेन्टिलेटरमा चार जनाको उपचार भइरहेको छ ।
यसैगरी, विगत २४ घण्टामा ५८ हजार पाँच सय ५९ जनाले कोरोना भाइरसविरुद्धको खोप लगाएका छन्
