पाल्पा जिल्ला भलिवल संघको अध्यक्षमा गुरुङ
Sabalnews
प्रकाशित मिति :
आइतबार, असार ५ २०७९
पाल्पा ।
भलिबल प्रशिक्षक तथा खेलाडी राजु गुरुङ्गको अध्यक्षतामा जिल्ला भलिवल संघ पाल्पाको नयाँ नेतृत्व चयन भएको छ ।
जिल्ला भलिबल संघको साधारण सभा तथा तेस्रो अधिबेशनले गुरुङ्को अध्यक्षतामा १५ सदस्यीय समिति चयन गरेको हो । समितिको उपाध्यक्षमा नारायण सारु र देव बहादुर गाहा, महासचिवमा कृष्ण बहादुर आले, कोषाध्यक्षमा दिल बहादुर गाहा सदस्यहरुमा दिपक चौहान, शुशीला गोदार, कमल राना, हिमाल हिस्की, चिरन फाल, प्रिति शाह, तारा बहादुर थापा, पदम न्यौपाने रहनुभएको छ भने रोशन गाहा र मोहन थापा मनोनित सदस्य चुनिनुभएको छ ।
साथै, भलिबल खेल्ने र खेलाउने तथा भलिबल रुचाउने खेलप्रेमी सहभागी कार्यक्रमले जिल्ला भलिवल संघबाट केन्द्रिय प्रतिनिधिमा पदम न्यौपाने र प्रदेश प्रतिनिधि हरुमा प्रेम श्रेष्ठ र अन्त प्रसाद श्रेष्ठ रहनुभएको छ । नेपाल भलिवल केन्द्रिय समितिका उपाध्यक्ष निरोज मास्केको उपस्थितिमा भएको कार्यक्रममा बोल्दै मास्केले भलिवलको क्रेज बढ्दै गएको र संभावना भएको खेल भलिबल भएको बताउनुभयो ।
निवर्तमान अध्यक्ष तारा बहादुर थापाको संयोजकत्वमा अधिबेशन सत्र भएको हो ।
