पेट्रोलियम पदार्थ बोकेका ७५ ट्यांकर शनिबारदेखि बेलहियामा रोकिए
Sabalnews
प्रकाशित मिति :
सोमबार, जेष्ठ ३० २०७९
रुपन्देही ।
नेपाल आउने पेट्रोलियम पदार्थको टयाङकर शनिबार देखि बेलहिया नाकामा रोकिएको छ ।
भारतिय भंसार कार्यालयले नै सिस्टम अपडेट गरिदिदा नेपाल आउने पेट्रोलियम पदार्थ शनिबार देखि रोकिएको हो । भारतिय भंसार कार्यालयले एडी कोड प्रविष्ट गरेर मात्रै निर्यात दिने व्यवस्था अनिवार्य गरेपछि नेपालका लागि आउन लागिएको पेट्रोलियम पदार्थ सिमामा रोकिएको छ । भंसारले नै सिस्टम अपडेट गरिदिदा शुक्रबार देखि नेपालमा कुनै पनि पेट्रोलियम टयाङकर आउन सकेको छैन । भारतिय आयल कर्पोरेशनले एडी कोड राख्नु पर्छ, शूक्रबार देखि लागु भएको नयाँ व्यवस्था अनुसार कर्पोरेशनले कोड नराखीदिदा शनिबार देखि कुनै पनि टयाङकर नेपाल भित्रिन सकेको छैन ।
भैरहवा भन्सार हुदै दैनिक ४०/५० वटा टयाङकर आउने गरेकोमा शनिबार र आइतबार कुनै पनि नआएको भन्सार कार्यालयले जानकारी दिएको छ । कार्यालय प्रमुख ज्ञानेन्द्रराज ढकालका अनुसार आइओसीको सिस्टममा केही परिवर्तन भएकोले आयात रोकिएको छ । भन्सार कार्यालय, नेपाल आयल निगम र सरोकारवाला निकायले समन्वय गरिरहेका छन् ।
