सिद्धार्थ राजमार्ग र कालीगण्डकी काेरिडाेरमा सवारी संचालनमा राेक
Sabalnews
प्रकाशित मिति :
शनिबार, असोज १८ २०८२
पाल्पा ।
जिल्ला प्रशासन कार्यालय पाल्पाले सिद्धार्थ राजमार्ग र कालीगण्डकी काेरिडाेर सडकमा सवारी साधन संचालनमा राेक लगाएकाे छ ।
शनिबार जिल्ला प्रशासन कार्यालयमा बसेकाे जिल्ला सुरक्षा समितिकाे वैठकले सिद्धार्थ राजमार्गकाे विभिन्न स्थानमा पहिराे जान सक्ने सम्भावना रहेकाले असाेज १८ गते साझबाट १९ र २० गते अत्यावश्यक बाहेकका अन्य सवारीसाधन संचालनमा राेक लगाइएकाे पाल्पाका प्रमुख जिल्ला अधिकारी विनु बज्राचार्य कुवरले जानकारी दिनुभयाे ।
तीन दिनसम्म वर्षात् हुने र बाढी पहिराे जान सक्ने सम्भावनालाई दृष्टिगत गरी सिद्धार्थ राजमार्ग र कालीगण्डकी काेरिडाेरमा लामाे तथा छाेटाे दुरीका सवारीसाधन संचालनमा राेक लगाइएकाे प्रजिअ बज्राचार्यले जानकारी दिनुभयाे ।
प्रशासनले तीन दिनकाे अबधिमा जुनसुकै बेला भारी वर्षा हुन सक्ने र बाढी तथा पहिराेकाे जाेखिम रहेकाले सचेत भएर बस्न, खाेला किनारमा नबस्न, जिल्लास्थित सुरक्षा निकाय, नागरिक समाज, रेडक्रसलगायतका संघसंस्थाले आवश्यक पूर्व तयारी गर्न अनुराेध गरेकाे छ ।
