माथागढीका किसानलाई मिनिटिलर
Sabalnews
प्रकाशित मिति :
बिहिबार, जेष्ठ ३० २०८२
पाल्पा ।
माथागढी गाउँपालिकाले किसानलाई मिनिटिलर बितरण गरेको छ । आ.व. २०८१/८२ बार्षिक स्वीकृत कार्यक्रम कृषि यान्त्रिकरण अनुदान कार्यक्रम अन्तर्गत पालिकाका सबै वडाहरुको कृषकहरुको मागको आधारमा किसानलाई मिनिटिलर बितरण गरेको गाउँपालिका अध्यक्ष यम बहादुर चिदीले बताउनुभयो ।
किसानका मागको आधारमा सबै वडाका गरि १ सय २८ वटा मिनीटिलर ५० % अनुदानमा किसानलाई बितरण गरिएको हो । कृषि उत्पादनमा जोड दिएको माथागढीले किसानलाई विउबिजन देखि उत्पादनसम्म र बजारीकरणमा समेत सहयोग गर्दै आएको चिदीले बताउनुभयो ।
माथागढी गाउँपालिकाका प्रबक्ता तथा वडा नं ४ का वडाध्यक्ष शंकर दर्लामीको अध्यक्षता तथा माथागढी गाउँपालिकाका अध्यक्ष यम बहादुर चिदी ज्यूको प्रमुख आतिथ्यतामा लाभग्राही कृषकहरुलाई मिनीटिलर वितरण गरिएको हो । पालिकाका कृषि प्राबिधिकले मिनीटिलरको प्रयोग र सुरक्षा सम्बन्धी अभिमुखीकरण गराएका थिए ।
