तेस्रो दिन शहीद बहुमुखी क्याम्पसका क्याम्पस प्रमुख मुरारी प्रसाद काफ्लेले २ लाख २२ हजार २ सय २२ रुपैयाँ २२ पैसा दान गर्नु भएको छ । यो तेस्रोदिनको ठूलो रकम दान हो । रामपुर नगरपालिका ७ कठान निवासी डिल्लीराम रेग्मी र उहाँको परिवारबाट ५५ हजार ५ सय ५५ दान गर्नुभएको छ । साथै विभिन्न व्यक्ति र संघ संस्था, समुहले दान दिनु भएको छ । महायज्ञको दिन घर्किदै जादा महायज्ञ तथा धार्मिक महोत्सवमा पाल्नुहुने व्यक्तिहरुको संख्या बढिरहेको छ ।
महायज्ञले धार्मिक, आध्यात्मिक चेतना सहित शैक्षिक विकास र यसभेगका सन्तति पढ्ने थलोको रुपमा बिकास गर्न संकाय थप, सिपमुलक शिक्षा र छात्राबास व्यबस्थाको मुख्य उद्देश्य लिएर अघि बढेको महायज्ञ मुल आयोजक समितिका अध्यक्ष तथा क्याम्पस सञ्चालन समितिका अध्यक्ष नेत्र प्रसाद भट्टराईले बताउनुभयो ।
महायज्ञको पहिलो दिन रामपुर नगरपालिकाले ५१ लाख ५१ हजार ५ सय ५१ रुपैया र नगद २ लाख १६ हजार ८ सय ५२ रुपैया गरी ५३ लाख ६८ हजार ४ सय ३ रुपैयाँ दान संकलन भएको थियो । दोस्रो दिन जग्गा सहितको १६ लाख ९ हजार ४ सय ८१ रुपैयाँ बराबरको दान संकलन भएको थियो ।
यस्तै महायज्ञमा विहिबार ८ वटा धान संकलन केन्द्र बाट १ सय २८ मुरी ५ पाथी, यज्ञस्थलमा अन्य भक्तजन बाट प्राप्त भएको १२ मुरी ७ पाथी गरी १ सय ४० मुरी १२ पाथी धान संकलन भएको धान दान संकलन समितिका संयोजक ऋषि रेग्मीले जानकारी दिनुभयो । हाल सम्म ३ सय १५ मुरी धान बिभिन्न केन्द्रमा संकलन भैसकेको र यज्ञ स्थलमा ल्याउने कार्य भैरहेको रेग्मीले बताउनुभयो ।
विहिबार विभिन्न स्थानबाट महिला समुह, संघ संस्थाका प्रतिनिधि सहित श्रद्धालुहरु कथा श्रवण र दानका लागि महायज्ञ स्थल शहीद क्याम्पस परिषर पुगेका थिए । विहिबारको सभानायकमा बुधबार सबैभन्दा धेरैदान गर्नु भएका रामपुर नगरपालिका ७ डुम्रीगाउँ निवासी मोहन भट्टराई रहनु भएको थियो । शहीद क्याम्पसको चाहना संकाय थप सिपमूलक शिक्षा र छात्राबासको स्थापना भन्ने नाराका साथ सञ्चालन भएको महायज्ञमा वाचन प्रविण पण्डित दिनबन्धु पोखरेलको मुखारविन्दबाट संगितमय शैलीमा कथा वाचन भईरहेको छ ।
महायज्ञमा तुला दान, लाखबत्ती प्रज्वलन, ज्योतिष परामर्श लगाएतका विभिन्न कार्यक्रम भईरहेको छ । महायज्ञ यही पौष २३ गते सम्म सञ्चालन हुनेछ । यस अघि अन्य स्थानमा धनधान्याञ्चल ज्ञान महायज्ञ हुँदै आएपनि संस्कार र संस्कृति प्रवद्र्धनका लागि यस पटक धार्मिक महोत्सवलाई समेत समावेश गरिएको क्याम्पस प्रमुख मुरारी प्रसाद काफ्लेले बताउनुभयो ।
आगामी पुस २३ गते सम्म हुने महायज्ञमा दान संगै विभिन्न सम्मानका कार्यक्रम भईरहेको छ । दान अनुसारको सम्मानको व्यबस्था गरिएको छ ।
