स्कुटी-माेटरसाइकल दुर्घटनाका तीन जना घाइते मध्य २ पोखरामा उपचार
Sabalnews
प्रकाशित मिति :
आइतबार, माघ १९ २०८२
पाल्पा ।
शनिबार बेलुकी रामपुर-५, नहर अफिसमा स्कुटर र मोटरसाइकल एक आपसमा ठोक्किँदा भएको दुर्घटनामा घाइते २ जनालाई उपचारको लागि पोखरा लगिएको छ ।
दुर्घटनामा ३ जना घाइते भएका छन् । नहरअफिस देखि बेझाँड बजार तर्फ आउँदै गरेको जिए–ए–एए–२३८७ नं. को स्कुटर र विपरीत दिशाबाट गइरहेको लु ९३ प ४४८ नम्बरको मोटरसाइकल नहर अफिस बगैचाको उकालोमा ठोक्किदा तीन जना घाइते भएका हुन् ।
घाइते हुनेहरूमा मोटरसाइकल चालक रामपुर-७, किसानबारी बस्ने ३१ वर्षीय आभाष गौतम, सोही मोटरसाइकल पछाडी बस्ने रामपुर-६, तालपोखरा बस्ने २० वर्षीय गोविन्द कंडेल रहनुभएकाे छ । यस्तै स्कुटर चालक रामपुर–५ भम्बक बस्ने ५५ वर्षीय देवराज शाही रहेको इलाका प्रहरी कार्यालय रामपुरका प्रहरी निरीक्षक लाल बहादुर सुनारले जानकारी दिनुभयो ।
घाइतेहरूलाई उपचारको लागि रामपुर अस्पताल लगिएको भएपनि थियो । तर त्यहाँ उपचार हुन नसकेपछि स्कुटर चालक शाही र मोटरसाइकल चालक गाैतमलाई थप उपचारको लागि मणिपाल शिक्षण अस्पताल पोखरा रिफर गरिएको छ ।
