सहकारी बजार प्रतिनिधि समूहद्वारा सहयाेग

पाल्पा ।

सहकारी बजार प्रतिनिधि समूहले अपाङ्गता भएका व्यक्तिलाई आर्थिक सहयोग गरेको छ । समूहले पाल्पा शिविआरमा रहेका अपाङ्गता भएका व्यक्तिलाई सहयोग गरेको हो ।

तानसेनमा रहेका सहकारी संस्थामा कार्यरत बजार प्रतिनिधिहरुको समूहले गत पुस महिनामा तानसेनको टुंडिखेलमा भएको खाना महोत्सवमा स्टल राख्दा भएको आम्दानी अपाङ्गता भएका व्यक्तिलाई सहयाेग गरेकाे जनाएकाे छ । समूहले १३ जना अपाङ्गता भएका व्यक्तिलाई नौ हजार १०५ रुपियाँ नगद र एक क्यारेट अन्डा तथा विस्कुट प्रदान गरेकाे समूहकी अध्यक्ष सविता भाटले जानकारी दिनुभयो ।

सहयोग हस्तान्तरण कार्यक्रममा व्यवस्थापन सहयोगी सुमिला महर्जनले समूहलाई धन्यवाद दिनुभयाे । बताउनुभयो ।
पाल्पा शिविआरका कृष्ण गहतराजले संस्थागत गतिविधि बारे जानकारी गराउदै सहकारीमा काम गर्ने बजार प्रतिनिधिहरुको सहयोगले संस्थालाई राहत मिलेको बताउनुभयो ।

समूहले गत वर्षको खाना महोत्सवबाट भएको आम्दानीबाट तानसेन ९ दमकडामा रहेको दमकडा माध्यमिक विद्यालयमा रहेका दृष्टिविहिन विद्यार्थीहरुलाई सहयोग गरेको थियो । समूहमा आबद्ध बजार प्रतिनिधिहरुले जागिरसंगै आर्थिक आर्यआर्जनको काम गरी सामाजिक सेवामा खर्च गरिएकाे समूहकी सचिव राधा कुवँरले बताउनुभयाे ।