सिर्जनशिल सिकाइ केन्द्रद्वारा विद्यार्थीलाई झोला वितरण
स्मृति ढकाल
प्रकाशित मिति :
शनिबार, पौस १९ २०८२
स्याङ्जा ।
सृजनशील सिकाइ केन्द्र चापाकोट–१, स्याङ्जाले भानु माध्यमिक विद्यालय र रोग्दीठाटी आधारभूत विद्यालयमा बालविकासदेखि कक्षा ३ सम्म अध्ययनरत ४९ जना विद्यार्थीलाई झोला वितरण गरेको छ।
केन्द्रका अध्यक्ष दयाराम भण्डारीको अध्यक्षतामा भएको कार्यक्रममा चापाकोट नगरपालिकाका शिक्षा, युवा तथा खेलकुद शाखा प्रमुख इन्दु भेटवालले शिक्षाको गुणस्तर र सिकाईको लागि यो सहयोग प्राप्ति मात्र नभई उपलब्धि हुने बताउनुभयो ।
कार्यक्रममा नगर शिक्षा समिति सदस्य एवम् भानु मावि विद्यालय व्यवस्थापन समिति अध्यक्ष कृष्णप्रसाद भण्डारी, रोग्दीठाटी आबि विद्यालय व्यवस्थापन समिति अध्यक्ष नारायणप्रसाद भण्डारी, वडा नं. १ का वडा सचिव विशाल कोइराला तथा भानु माविका प्रधानाध्यापक बिनु प्रसाद पराजुलीले मन्तव्य राख्नुभएको थियो।
पार्वती न्यौपानेको स्वागत मन्तव्यसँगै सुरु भएको कार्यक्रमको सञ्चालन शिक्षक बालकृष्ण ज्ञवालीले गर्नुभएको थियो।
