पाल्पा उद्याेग वाणिज्य संघको निर्वाचन आगामी चैत १४ गते
Sabalnews
प्रकाशित मिति :
शनिबार, पौस १९ २०८२
पाल्पा ।
सदस्यता विवादका कारण अनिश्चित बनेकाे पाल्पा उद्याेग वाणिज्य संघकाे निर्वाचन आगामी चैत १४ गते हुने भएकाे छ । संघका पदाधिकारीबीच नयाँ सदस्यता सम्बन्धी विवादका कारण गत कात्तिक २९ गते ताेकिएकाे निर्वाचन हुन सकेकाे थिएन ।
संघकाे बैठक बसेर सदस्यता नवीकरण गर्ने सदस्यलाई मात्र मताधिकार दिने सहमतिपछि निर्वाचनकाे मिति तय भएकाे एक सदस्यले बताए । यसअघि अध्यक्षलगायतका पदाधिकारीले नयाँ सदस्य थप गर्दा संस्थाकाे विधानलाई आधार बनाएर सदस्यता वितरण गर्नुपर्ने अडानमा थिए भने अधिकांश पदाधिकारीले व्यवहारिकता हेरेर सदस्यता वितरण र नवीकरण गर्नुपर्ने अडानमा थिए ।
संघकाे सदस्यता पाइसकेका व्यवसायीहरूले संघकाे सदस्यता नवीकरण गरेपछि नयाँ सदस्यता कायम हुने र साेही आधारमा चैत १४ गते हुने निर्वाचनमा सदस्यले भाग लिन पाउनेछन् । याे निर्णय मध्यमार्गी निर्णय रहेकाे बताइएकाे छ । यसअघि संघकाे एक हजार बढी सदस्य रहेका छन् ।
