पाल्पाबाट एमालेका ४ र काङ्ग्रेसका १ समानुपातिकमा समावेश
पाल्पा ।
पाल्पाबाट नेकपा एमालेले ४ र नेपाली काङ्ग्रेसले १ जनाकाे नाम समानुपतिककाे बन्द सूचिमा राखेकाे छ । एमालेले बुझाएकाे ११० जनाकाे नाममा पाल्पाबाट ४ जनाकाे नाम परेकाे छ ।
एमालेले निर्वाचन आयाेगमा बुझाएकाे सूचिमा जिल्ला अध्यक्ष ओमबहादुर घर्तीमगर आदिवासी जनजातिबाट पर्नुभएकाे छ । यस्तै साेही सूचिमा हिरूसरा रानाकाे नाम पनि समावेश रहेकाे एमालेले जनाएकाे छ । एमालेले खस आर्यकाे सूचिमा पाल्पा काठमाडाैँ सम्पर्क समितिका ठानेश्वर बस्याल र अल्पसङ्ख्यक मुस्लिम समुदायबाट राेजीरन खातुनकाे नाम समावेश गरेकाे छ ।
यस्तै नेपाली काङ्ग्रेसले रामपुर निवासी नेता कृष्णप्रसाद अधिकारीलाई समानुपातिक सूचिमा समावेश गरेकाे छ । उहाँ खसआर्यबाट सूचिमा पर्नुभएकाे हाे ।