रामतुलसी नमुना माबिको बार्षिकोत्सव, विद्यार्थीद्दारा फुड फेस्टिबल
Sabalnews
प्रकाशित मिति :
बुधबार, पौस २ २०८२
पाल्पा ।
पाल्पा जिल्लाको पुर्वी भेगमा अबस्थित रामतुलसी नमुना माध्यमिक विद्यालयको ५८ औं बार्षिकोत्सवको अबसरमा विद्यार्थीले आयोजना गरेको फुड फेस्टिबल आकर्षक बन्यो ।
कक्षा ६ देखि १२ सम्मका विद्यार्थीहरूले १७ वटा स्टलमा विभिन्न परिकारहरु तयार गरी बिक्री समेत गरेका थिए । गतबर्ष देखि फुड फेस्टिबल गर्न थालेका विद्यार्थीले मगरी, नेवारी परिकार सहित सेलरोटी, भुटन, बारा बटुक, योमरी, चाउमिन म: म:, फुरौला, पकौडा सहितका परिकार स्टलमा थिए ।
विज्ञान गणित र सामाजिक समूहका शिक्षक र विद्यार्थीहरुले विभिन्न शैक्षिक सामग्रीहरु निर्माण गरी राखेको प्रदर्शन उत्कृष्ट थियो । विद्यालयले विभिन्न क्षेत्रमा सामाजिक सेवामा योगदान पुर्याए बापत विभिन्न व्यक्तिलाई सम्मान गरेको थियो ।
मेट्रोसिटी हस्पिटल रामपुरले बार्षिकोत्सवमा निःशुल्क सुगर, ब्लड प्रेसर परीक्षण तथा रक्त समूह छुट्याउने सेवा प्रदान गरेको थियो। विद्यालय र हस्पिटल बिच सेवा प्रवाहमा सम्झौता पनि भएको छ । कार्यक्रममा विद्यार्थीहरूले परम्परागत सुन्दर नृत्यहरू प्रस्तुत गरेका थिए।
