पाल्पामा टाेकाहा कुकुरलाई मारियाे
Sabalnews
प्रकाशित मिति :
बिहिबार, कार्तिक ७ २०८२
पाल्पा ।
केही दिनयता जिल्लाकाे रिव्दीकाेट हार्थाेक क्षेत्रमा बाैलाहा कुकुरले टाेकेर आतङ्क मच्चाएकाे छ । यस क्षेत्रमा मानिस तथा जनावरलाई देखे भुस्याहा कुकरले झम्टिने र टाेक्ने गरेकाे स्थानीय बासिन्दाले बताएका छन् ।
हार्थाेक क्षेत्रमा मात्रै केही दिनयता १० जना भन्दा बढी मानिसलाई टाेकेर घाइते बनाएकाे स्थानीय राधाकृष्ण दंगालले बताउनुभयाे । तिहारकाे भाइटीकाकाे दिन पनि दुई जना आफन्तलाई टाेकेर घाइते बनाएकाे उहाँले बताउनुभयाे ।
घाइतेहरूकाे उपचार तानसेनमा भइरहेकाे छ । कुकुरलाई सिधैँ मार्न नपाइने कानुनमा व्यवस्था छ । यही कारण अहिले जिल्लाकाे अन्य स्थानमा पनि भुस्याहा कुकुरले समस्या सिर्जना गरेकाे स्थानीय बासिन्दाकाे गुनासाे छ ।
यसैवीच स्थानीय बासिन्दा हार्थाेक क्षेत्रमा दुई वटा भुस्याहा कुकुरलाई मारेकाे हार्थाेकका स्थानीय बासिन्दाले जनाएका छन् । पछिल्लाे समय मानिसले पालेका कुकुरलाई जथाभावी छाड्नाले भुस्याहा कुकुरकाे आतङ्क बढेकाे छ ।
