आयोजक ज्योतिपुञ्ज युवा क्लब सेमिफाइनलमा प्रवेश
Sabalnews
प्रकाशित मिति :
मंगलबार, असोज २८ २०८२
पाल्पा ।
आयोजक ज्योतिपुञ्ज युवा क्लब पाल्पामा जारी वाईवाई तेस्रो ज्योतिपुञ्ज कप राष्ट्रिय फुटबल प्रतियोगिताको सेमिफाइनलमा प्रवेश गरेको छ ।
मंगलबार भएको पहिलो सेमिफाइनलमा ज्योतिपुञ्जले भैरव स्पोर्टस क्लब, नवलपरासीलाई २–१ ले हराउँदै अन्तिम चारमा प्रवेश गर्ने पहिलो टोली बनेको हो ।
रामपुर–७, किसानबारी स्थित आयोजक क्लबको खेलमैदानमा भएको खेलमा ज्योतिपुञ्जका लागि दुवै गोल सुजल डंगोलले गरेका हुन् । भैरवका लागि नरेन्द्र चौधरीले आत्मघाती गोल गरेका थिए ।
खेलको म्यान अफ दि म्याच ज्योतिपुञ्ज कै सुजल डंगोल घोषित भए । त्यस्तै रेडबुल इनरजेटिक प्लेयरको पुरस्कार भने ज्योतिपुञ्जका आशिष गुरुङले हात पारे ।
प्रतियोगिता अन्तर्गत असोज २९ गते बुधबारको दोस्रो क्वाटरफाइनल खेल साविक विजेता युनाइटेड युथ क्लब, गिरुबारी, नवलपुर र नवप्रवेशी टोली समपुर्ण युवा क्लब, सुपौली, रुपन्देहीबीच हुने खेल संयोजक अनिल शाही ठकुरीले जानकारी दिए ।
ज्योतिपुञ्ज युवा क्लब, रामपुर–७, पाल्पाको आयोजनामा जारी प्रतियोगिताको विजेताले उपाधिसहित नगद ३ लाख ५० हजार हात पार्नेछ भने उपविजेताले २ लाख सहित ट्रफी, मेडल प्राप्त गर्नेछ । फाइनल खेल भने कार्तिक ३ गतेका दिन हुनेछ ।
