तेस्रो ज्योतिपुञ्ज कप: सुर्यपुर फुटबल क्लब क्वाटरफाइनलमा प्रबेश
Sabalnews
प्रकाशित मिति :
सोमबार, असोज २७ २०८२
पाल्पा ।
पाल्पाको रामपुरमा जारी वाईवाई तेस्रो ज्योतिपुञ्ज कप राष्ट्रिय नकआउट फुटबल प्रतियोगिताको क्वाटरफाइनलमा सुर्यपुर फुटबल क्लब, चितवन प्रवेश गरेको छ ।
सोमबार सम्पन्न प्रिक्वाटरफाइनलतर्फ सुर्यपुरले होराईजन क्लब, स्याङ्जालाई २–० ले हराउँदै अन्तिम आठमा स्थान बनाउन सफल भएको हो । सुर्यपुरको जितमा आशिष थिङ र बिक्की चाम्लिङ राईले गोल गरे ।
खेलको म्यान अफ दि म्याच सुर्यपुरका आशिष थिङ बने । रेडबुल इनरजेटिक प्लेयर अफ दि म्याच सुर्यपुर कै अर्का गोलकर्ता बिक्की चाम्लिङ राई घोषित भए ।
प्रतियोगिता अन्तर्गत असोज २८ गते मंगलबारको पहिलो क्वाटरफाइनल खेल आयोजक ज्योतिपुञ्ज युवा क्लब रामपुर, पाल्पा र भैरव स्पोर्टस क्लब, नवलपरासीबीच हुने खेल संयोजक अनिल शाही ठकुरीले जानकारी दिनुभयो ।
ज्योतिपुञ्ज युवा क्लब, रामपुर–७, पाल्पाको आयोजनामा जारी प्रतियोगिताको विजेताले उपाधिसहित नगद ३ लाख ५० हजार हात पार्नेछ भने उपविजेताले २ लाख सहित ट्रफी, मेडल प्राप्त गर्नेछ । फाइनल खेल कार्तिक ३ गते हुनेछ ।
