एउटै बिदामा प्रदेश सरकारको दुई सूचना
Sabalnews
प्रकाशित मिति :
शुक्रबार, साउन ३१ २०८२
पाल्पा ।
लुम्विनी प्रदेश सरकार आन्तरिक मामिला तथा कानुन मन्त्रालयले भगवती जात्राकाे बिदाका बारेमा दुई वटा सूचना प्रकाशन गरेकाे छ । पहिलाे पटक प्रकाशन गरिएकाे सूचनामा मन्त्री परिषद्काे निर्णय अनुसार यही भदाैँ १ गते भगवती जात्रा परेकाले पाल्पा जिल्लाका सम्बन्धित समुदायलाई सार्वजनिक बिदा दिइएकाे उल्लेख छ । साे सूचनाका मन्त्रालयका उपसचिव कृष्णप्रसाद नेपालले हस्ताक्षर गर्नुभएकाे थियाे ।
त्यसबारेमा सम्बन्धित समुदाय भनेकाे के हाे ? भनेर प्रश्न आएपछि पुन अर्काे सूचनामा भदाैँ १ गते भगवती जात्राकाे दिन पाल्पा जिल्लाभर सार्वजनिक बिदा भनेर सूचना प्रकाशन गरिएकाे थियाे । उक्त सूचनामा मन्त्रालयका छैठाैँ अधिकृत भुपबहादुर मल्लले हस्ताक्षर गर्नुभएकाे थियाे ।
मन्त्रालयले पहिलाे पटक सूचना प्रकाशन गर्ने क्रममा सम्बन्धित समुदायबारे स्पष्ट पार्न नसक्दा दुई वटा सूचना प्रकाशन गर्नुपरेकाे छ । पहिलाे पत्रमै सम्बन्धित समुदाय (पाल्पा जिल्ला) भनेर उल्लेख गरेकाे भए एउटै प्रयाेजनका लागि दुई वटा सूचना प्रकाशन गर्नुपर्ने थिएन ।
-पहिलो सुचना )
-दोस्रो सुचना
